Кеше Мәжіліс депутаттары «Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы» заңды мақұлдап, Сенатқа жолдады. Енді заң аясында Қазақстанда вейптерді әкелуге, өндіруге, сатуға және таратуға толық тыйым салынуы мүмкін. Заң қабылданған жағдайда вейп сатқандар қылмыстық жауапкершілікке тартылады.
Парламент не үшін мұндай қадамға барып жатыр? Вейп шеккеннің соңы жазылмайтын ауруға ұшырататыны қаншалықты рас? Елімізде вейп-индустрияны қолдап отырған кімдер?
ХАЛЫҚ ҮНІ алаңында Республикалық Аналар кеңесі төрағасы Нәзипа Шанаи мен оның орынбасары Баян Ахатай осы мәселелер жөнінде тарқатып айтып берді. Заңның әзірленуіне бастамашы болған қоғам белсенділерінің құжаттың Парламентке жеткенше қандай кедергілерге тап болғаны жайлы баяндап берді.
